ياليل ما بالقلب غير التفـاكير
حلمً يروح وحلم تـوّه يجيني
أكتب لعل القلب ينسى المخاسير
أكتب وحلمي بين عيني وبيني
صالت وجالت بالهوى يالغنادير
وأستكملت سيرة غياب السنيني
أحيان أعيش الدور وأرسم تعابير
ضحك السنين الماضيات لحنيني
وأحيان أصيح بعالي الصوت وأصير
مثل اليتيـم اللي يكنّ الونيـني
ضايع وتايه في سماء صايد الطيـر
عايش وطايش في زمان الكنيني
أضحك على نفسي إذا قلت انا بخير.!!
الخيـر ويـنـه.؟ في بــعــاده وويــنـي ..؟!
لاخيـر في دنيا الهجر ياجماهيـر
ولاخيـر في خلً رحل عن ضنيني
غيري تعذب في هوى خله وغيـر
وغيري تعرض للخيانه في حيني
بس المصيبه من تعدك عن الغيـر.!!
أخً(ن) ولا غيـر الأخوه تبينـي
السالفه أكبر حكاية مخاسير
لاتنفع الدمعه ولا دم عيـني
ياليل أترك هالسوالف تفاكـير
خل الدموع الفايضـه تحتويني
موضوع: مخاسير