توي عرفتك يابـو قلبيـن
من يوم بانت لي اسرارك
اثريك تلعب على الحبليـن
ياللأسف هـذي افكـارك
غرتني عيونـك الحلويـن
وإنت الذي معمي انظـارك
قسمت لك خافقي نصفيـن
ماكنت أنا عارف اضرارك
ظنيت احبك ليـوم الديـن
مايتعبن طـول مشـوارك
ياحول ياقلبـي المسكيـن
ينطـر ولاجـاه مسيـارك
ماادري بوصلك اجيك منين
متقلـبـه دايــم ادوارك
مادام حفظ الامانـه ديـن
لا لا تحمـلـنـي اوزارك
مااقدر اسدد من الصوبين
جو الهوى عـج بغبـارك
ابعد ولابي تشوفك عيـن
يوم إنتقص عندي مقدارك
بيني وبينك طيور البيـن
عاود على ماضي اوكارك
أول ولكن تـرى هالحيـن
ماهمتـن باقـي اخبـارك
صبري تعدى معاك سنيـن
يامـا تلوعـت بأمـرارك
غدرك مثل طعنة السكيـن
خلاص ماتنفـع اعـذارك
لاتسالن ليه رايح ويـن ؟
ماني ترى طالبـن ثـارك
ابرتحل عنك قـول آميـن
عساني مبعد عن ديـارك